平日的節目

今日講下平時我0既生活時間表..

一般一早起身大約9:30...我就會上網MSN..用SKYPE打電話返屋企...
有時如果夠衫洗..就可以洗埋衫同晾衫...

好快就到11:30
GARY的表兒甥仔就放LUNCH返來了...
我地就會一齊睇電視...SPONGEBOB

GARY今朝一早去了DOWNTOWN見工...
一份銀行的電腦工....
剛打電話回來...說今次會被聘請的機會很高...
但仍要等通知...因他是第一個被面試的人...
希望今次真的成功。
收線後便開始整野食等他回來吃....
其實不過是將前天在生日會上拿回來的芝士寬條麵叮熱佢...
睇下個樣....都OK0架...起碼好過公仔麵先呀!!

今日天氣好好....陽光普照....

我向太平紳士申請食完飯後外出走走...

我們先去屋企後面的一個文化中心...
裡面原來有個圖書館的...有許多中文書和香港的影帶借閱...

在圖書館門外有一大片空地都佈滿了雪...
我們在雪地上玩了5分鐘便離開...
因兩隻手凍僵了...

來影張會笑的相!! 我的手加他的口..

跟住就去了一間全城最大叫COSTCO的批發超級市場...

呢度一年要比大約$400港幣入會先可以0係度買野0架
不過佢呢度0的野真係比出面平...
而且真係講得出0既野都有得賣...
但如家品...水晶(SWOVSKY的)..鑽石...車呔等都有...
你睇下幾大間....

介紹下0的超抵0既野先...真係比香港平好多0架:
新鮮厚切牛扒...平時係CITY SUPER都要成200蚊一塊..

呢度$200港幣已經有4塊..
仲有加拿大盛產0既三文魚....咁大盒都只係$150...

平時UNY咁0既SIZE我諗要$300.

平時係香港飲開的TROPICANA鮮橙汁...UNY減價時都要$40一支...呢度$90有4支

豬仔包..$40一袋...食一個月都夠
CK牛仔褲$240一條

但有0的野都幾貴...
你睇下左邊呢對毛毛拖鞋..要成$ 200
係咪同右邊呢對好似呢....
但右邊呢對係我0係香港的日本城買0架!!只係$30!

呢個超市賣的生日蛋糕好核突...0的顏色好似用水彩油上去的
個樣又娘....真係唔知點食得落肚....

另外都有0的好得意0既野..
三文魚乾...加拿大出產...寫晒中文...
擺到明就係比中國人0既手信啦..都要成$140一盒0架!
朱古力鞋...整得好靚0架...$ 80

行完都已經5:30...係時候返姨媽家等食晚飯了....
7:30食完飯...睇埋呢度播緊0既"歲月風雲"同埋"匯通天下"就差不多要睡了!
就咁又過了一日。