新一月新一頁

十二月了!是我最喜愛的christmas!!

今年真的可以過一個白色聖誕了!

知道許多人都很關心我的近況,

尤其每次MSN或打電話返香港時...

個個都會話...要頂住呀!!!

對於大家對我0既厚愛真的萬分感動!

為答謝大家對我的支持...我決定將這BLOG改頭換面..

我會將每日所做0既事或得意0既野都寫下來..影下來...

等大家更清楚我有幾淒涼!!!!哈!

先講剛過去的星期日 (因這天已經是一星期中最多節目的一天)

一早起身就幫手做GARY表姐由工廠拎返來0既外快(唔係成日有0架)...

就係將0的耳環PACK上個牌度...熟手技工來0架!!!

跟住冇咩好做就開始打機(Wii)囉!!玩MARIO GALAXY!!

由於有位香港教師朋友怕我悶0既關係...

佢將佢0既課堂筆記 scan0左send過來叫我幫佢打....

所以..咁又可以磨半個鐘至一個鐘...

夠鐘出街了!!今日太平紳士出巡...放監啦!!

約了我表姐1:00去食lunch...

今日落大雪....你睇下條街0的積雪...

天雪路滑.....沿路都不少交通意外
去了一間叫"森石"的餐廳食東南亞菜...

由於掛住食0既關係..唔記得影0的食物0既相..

因0的野食0既size係超巨大...真係想影低比你地睇...

食0左兩個鐘...出到去先慘...

由於架車泊係室外....0的雨水搞到架車結0左冰...要剷走0的冰先可以開車...

返到屋企下午4:00
GARY在家整表姐的電腦，我同一個11歲的"小"朋友玩

加拿大的11歲同香港的11歲真的不同....

連我家3歲的阿B有時講野仲老過這個11歲的0靚仔...

加拿大的小孩還有許多童真..比香港的純樸得多...

下午5:30..又係時候出發了...
由於加拿大位於地球極北位置...冬天時候會超日短和超夜長

表姐更叮囑我....由於日照時間短....許多人會在冬天時情緒比較低落...
容易有拗叫...屬"火"的我真的要多加注意!!!

你睇下個天....五點幾已經.........

不過好彩係CHRISTMAS...睇下0的人門口的燈色幾靚!!!

今晚是GARY友人的7歲女兒生日...

在他們家搞了個生日PARTY..

睇下幾多野食...仲有兩個HOME MADE0既生日蛋糕...

多生果又少CREAM...仲係低糖低脂0既...簡直係MY FAVOURITE....

9:30PARTY完就返屋企沖涼目訓覺囉....

由於食物太多關係....主人家仲叫我地打包了兩盒野食返屋企

聽日晏就終於唔洗食即食麵囉!!!