繼續Party

繼續一連串的party.....
今早我地先去食個早餐....
因日日都食公仔麵0既原故....真係想搵日對自己好0的...
見屋企附近有間食all day breakfast的好似幾平....
把心一橫就去試下......

呢個早餐犀利啦! 一睇個size就知大碟....
但我地兩個人唔知死以為好抵...
點知埋單找數成$28cnd...即差不多200蚊港幣!
呢0的野試一次就夠囉!

用四隻蛋煮0既掩烈...內有磨姑同芝士...仲有好多薯仔粒..
唔怪得0的鬼佬咁鬼死肥...早餐都食咁q多野!!

我果碟係4塊pancake同一塊ham...送多兩塊多士...

呢個係30號晚我地搞0既廚房party..
每個人都要整一種野食...8個人就有8樣野...
火腿同埋煙三文魚都係買返來0既...

Eric外賣返來的肉醬意粉..同埋stephine焗的雞塊..

我整0既沙律...同埋瑞士雞翼.....0的朋友都話好好味..!!

Simon炒的蟹羔菠蘿炒飯...同埋焗蘑姑.......

我地整得好認真0架....睇下!!有切燒肉儀式0架!!


想唔想睇下我地整野食0既VIDEO呢....?
某朋友將當晚的VIDEO都UPLOAD上YOUTUBE
大家只要上:http://www.youtube.com/results?search_query=u2slow
就可以睇到我地當晚0既盛況0架啦......

Christmas Party

一年一度的聖誕節又到了！！
今年過我在加拿大的第一個聖誕節 ...
雖然是白色聖誕 ...
但感覺還是香港的氣氛濃厚點 ...

聖誕大餐由23號晚開始..
自10月23日第一天到加拿大到今天已是整整兩個月..
這兩個月來..第一次我和Gary兩個人出外共進晚餐...
除了當慶祝聖誕外..還慶祝他找到新工作...
希望來年大家都可以開心快樂!

我們去了 THE KEG食牛扒....
(香港蘭桂芳也有一間..但好像只是BAR而不是牛扒屋)

先來一個超巨大、熱辣辣的麵包..

頭盤叫了一個洋蔥湯(onion soup)..和..燒吞拿魚片(grill raw tuna)
洋蔥湯上面有一層厚厚的芝士...的芝士好好味..但個湯就不夠濃...
而燒吞拿則沒什麼特別...伴碟的還有烘包和不知名的菇..味道一般

我叫了一個 燒西冷扒(Grill Sirloin)....燒得很好食...塊扒亦好靚
而GARY則叫了烤肉眼扒 (rib eye steak)...燒得熟了點..但不太差..
埋單 $78加幣...咁耐以來食得最富貴的一餐...下次唔知要等幾時了!

24號平安夜..我們去了一位朋友家打邊爐...
我們先去了一間叫 H-MART的韓國超市買肥牛...
多倫多有條叫yonge街...是韓國人聚居的地方...
有許多地道的韓國餐館...而上月這間韓國超市開張..
聽聞它們的牛肉很有手準..所以就去買來試下...

睇下!!..全部貨品都係地道韓國入口的...

牛肉真係好新鮮...我地想搵羊肉片...但點知只得羊屁股肉 (lamb butt)

食野之前...最好0既玩樂就係一班人打機...一0的人玩wii..另一0的就玩X-box.

打邊爐啦...幾心急!?

仲有兩個聖誕蛋糕...好靚呀!!

MERRY CHRISTMAS!! CHEERS!!

好消息！！！！

聖誕大喜訊！！！

琴日GARY終於收到消息了！
BANK OF MONTREAL請了他！
人工幾好。。。福利亦好。。。（因配偶都有福利！！）
最重要0既係銀行工。。。前途好！！！
呢個係我地今個聖誕收到最大最好0既禮物!!

GARY收到通知之後...我地去0左拜祭GARY爸爸...

感謝佢在天之靈的保佑...現終於可以放下心頭大石了!!

跟住我地就去了行街...

前幾日下了據聞是多倫多60年有紀錄以來最多降雪量的一天。。。

睇下出面的積雪。。。已經高過一個消防水龍頭了！

因GARY沒有帶一些比較斯文的返工衫褲過來加拿大...

所以打算趁聖誕大減價時睇下有冇咩貨可以掃....

我地去了一間叫WINNERS的店舖...裡面賣的都是一些斷碼或次貨的名牌服裝

不過0的SIZE通常都唔係好0岩我地....所以最後都係空手而回...

跟住夜晚，有個朋友邀請我地去了一個叫多倫多排舞會10週年聖誕聚餐..

因這位朋友的爸爸是會員...而且會表現跳舞..因此買了一圍酒席...

去到真係真係大開眼界...差不多成百位上年紀的人在舞池中跳集體老舞...

境象何其壯觀...令人為之側目..!!!

我同GARY講...如果我有日開始去睇一0的閃衫...記得要阻止我...

加拿大0既退休生活就係咁0架啦!!

聖誕節要醒獅...真係聞所未聞....!好頂隱 !!

第二晚。。。我地去了一個朋友屋企開PARTY。。。

去了這間叫LCBO的酒舖。。入面真係有好多唔同種類嘅酒賣。

有個朋友送咗個小蘋果比我地。。好得意0架。。。

睇下！！。。只係得四份一個250ml盒裝飲品咁大0架咋！

另外有個朋友送0左張棉被比我地做聖誕禮物。。。好WARM呀！

我幫GARY表姐做果0的耳環包裝出糧啦！！！
做0左3晚有＄230加幣。。真的算不錯了！！

得意野

呢幾日冇咩特別地方去過...但都有拍低少少相比大家睇下:

好明顯呢度係麥當奴...得意0既係....
佢地有個triple berry pie(紅莓批)係香港冇0架!!


呢度係一個叫 FAIRVEIW MALL0既 food court (我媽叫"鬼佬大排檔")
入面有 NEW YORK FRIES...0的薯條好好食0架!!


商場入面有間玩具店賣貓貓版的MONOPOLY...
特登影比愛貓的朋友睇的...

我的臨時車牌呀....我開始擾亂多倫多0既交通啦!!!


我地差不多隔日就會買一袋牛角包返屋企...
因家中的小朋友對此十分鐘情...
的而且確呢間麵包店整0既牛角包係好好食的....
SIZE夠大隻又重牛油味...仲好平0忝!!只係HK$2.5一個...抵!!!!!